Eta orain zer?...

       Aupa guztioi! Gaurko atalean nahiko interesgarria den gai bat maneiatuko dut, askotan agertzen dena eta zoritxarrez, aldi gutxitan hautematen duguna. Oraingoan, instituzio hauetan ematen diren arazoei buruz hitz egingo dizuet.

       Denok dakigunez, eskolara joatea poztasuna sortzen du umeetan, lagunekin elkartzeko eta jolasteko unea baita. Askok futbolean, ezkutaketan, sokan saltoka... ematen dituzte egunak eta etxera alde egiten dute eskolara bueltatzeko momentuaren zain. Nerabeak ere, lagunekin denbora gehiena emateko asmoz joaten dira klasera, eta bertan irribarreka eta hizketan aritzen dira egun osoan zehar. 

       Hala ere, badira kalteak jasaten dituzten kideak eta beraien heziketa latza bilakatzen duten gertakariak, haien inguruan arazoak sortzen dira... eta jatorriak anitzak izaten dira.

                                               

         Arazoak sozialak izan daitezke, eta hurrengo zerrenda honetan aipatzekoak dira

• Bullying-a.
• Bazterketa soziala.
• Arazo pertsonalak (fisiko nahiz psikologikoak),
• Mobbing-a (Irakasleen kasuan).                                        
• Indarkeria (kolpeak, umiliazioak, mehatxuak, irainak). 
• Talde arazoak, irakasle eta ikasle arteko arazoak...                               

       Arazo hauek oso larriak dira, eta eraginkortasun handia dute, batez ere etapa hauetan pertsonak nahiko maneiagarriak eta sentiberak direlako. Hauei konponbiderik ez aurkitzea ondorio kezkagarriak ekar dezake egoera hauek jasaten dituztenen bizitzetan, jokabideetan eta nortasunean. 

       Gainera, nahiz eta arazo hauek konpontzea neketsua izan, lortzea uste duguna baino errazagoa da. Bestalde, hurrengo aldietan gertakari hauek sahiesteko lagungarria izango da eta umeak nahiz nerabeak, gainerako kideak bezala, haien heziketa gozatzeko eskubidea izango dute.